【連素食者都讚的素食餐廳】
其實我對食唔算太挑剔，但有時又幾奄尖，咁即係咩呢？戒牛戒咗廿幾年，鍾意清淡口味但又唔係素食者，呢啲咪叫麻煩囉。
今日與朋友一起到尖沙嘴厚福街吃 2DP - Tea & Veggie （之前已有經過，但見門口有條龍排隊就算罷啦。） 幸好今日大約4.30去到，不用排隊了。
望下餐牌，原來全間餐廳都係素食（甚至純素），但食品款式多到你驚，邊個話素食一定無啖好食？
我們點了脆炸魚柳條配他他醬（$68）、自家製素牛漢堡配炸蕃薯條（$88）、菠菜蓉西蘭花椰香意粉及黑松露雜菌闊條蛋麵，飲品我揀荔枝柚子白茶。
印象最深當然是素牛漢堡配炸蕃薯條，我已經對牛沒有心癮，端上桌與肉肉漢堡包無異，中間紅紅的漢堡是用紅菜頭、植物蛋白、秋葵、蓮藕及燕麥混合而成，口感像肉類一樣，很神奇，而上層夾著自家醃菜和酥炸雲吞皮，更有層次，吃素肉都唔會沒趣沒味道。配菜的炸蕃薯條，堅好味，其實我已經又戒了M字頭的薯條，次次吃完都喉嚨痛，但這個炸蕃薯條一點都不油膩，炸得乾爽但又不熱氣，軟軟的，好吃！
另外脆炸魚柳條都好神奇，是素來的，但出奇地有魚味和魚肉質感，連吃素的朋友都說推介這個！
整體上所有食物都做得有心機，絕對沒有為噱頭為打卡而浪費食物，值得下次再去，但我自己不太喜歡荔枝柚子白茶，西柚苦澀味太搶，不是我杯茶，下次再喝其他飲品。
#不是食評 #素食 #2DP #veggie #lunch #vegan #vegetarian #港女飲食誌 #尖沙嘴搵食
#素牛肉
Search